Video’s: EKO-wenke

  1. Home
  2. Video’s: EKO-wenke

 

Klik op die volgende skakels vir eko-wenke:

 

  • Hierdie Saterdag om 20h30 is die jaarlikse Aarde Uur (of Earth Hour). Maar wat is Earth Hour? Waar kom dit vandaan? Waaroor gaan dit? En hoekom moet ons as gelowiges dooroor omgee? Ds. Dewald Hoffmann deel hierdie week als wat jy hoef te weet oor Earth Hour en hoe maklik dit is om deel te neem! https://youtu.be/EKPUpMhT7Ck

 

  • Weggooibare maskers het nou ook, soos so baie ander verbruikersitems, ‘n ekologiese krisis begin veroorsaak. Mense gooi dit nie op ’n bedagsame manier weg na gebruik nie en dit beland onder andere in oseane en ander eko-sensitiewe areas. So, wat kan dan gedoen word om hierdie bul so gou moontlik by die horings te pak?  Lees Samantha Chamberlain van die NG Gemeente Suider-Strand se eko-wenk HIEROOR

 

  • Dalk sê jy: “Die eko-probleem raak my nie …” Dink weer: Marizanne Pfeil-Wessels van die Hoop Geloofsgemeenskap (‘n inisiatief van die NG Kerk Helderberg, Somerset-Wes) was in ‘n 3de-jaarsklas oor ekologie-teologie toe sy bewus geword het van die enorme eko-probleem. Leef ons nog in ‘n ‘goeie skepping’ soos Genesis 1 die skepping beskryf? Beslis nie. Besoedeling en ons aandeel daaraan het alledaags geword. Jy kan egter ‘n verskil maak, al is dit ook al hoe klein. Raak bewus van hoe jy meer volhoubaar kan leef en bydra tot die oplossing. Begin sommer dadelik deur PLAASLIK te koop. Kom meer hieroor te wete by: https://youtu.be/4zfXmsxjTw8

 

  • Nog geen #GROEN Nuwejaarsvoornemens nie? Dis nooit te laat om nog groen nuwejaarsvoornemens te beplan nie. Hier is ‘n paar idees van ons GROEN SPAN se Rudolph Scharneck: koop vars produkte plaaslik – daarmee stimuleer jy nie net die plaaslike ekonomie nie, maar verminder ook sommer jou koolstofvoetspoor; #refuce, #reduce, #re_use, #recycle, rot (komposhoop toe!); drink meer water uit jou kraan en spaar water; plant ‘n (vrugte)boom; tel rommel op waar jy ookal gaan. Kortom – dink GROEN. Rudolph vertel in hierdie video meer: https://youtu.be/VjOrm2LEfwg

 

  • Natuurliefhebbers en Mede-aardbewoners! Ons Groen Span is deel van ‘n ekumeniese projek, #together4creation en wil ‘n kompetisie loods voordat die skole weer open. Kry daardie kreatiewe brein van julle in rat en neem deel aan hierdie lekker eko-kompetisie. Herbruik of herbenut iets wat jy sou weggooi in iets nuuts, neem ‘n mooi foto van jou skepping(s) en pos dit op jou Facebook, instagram of twitter en merk dit met #together4creation of #repurpose. Ons sien uit na wat julle gaan skep. Pryse te wen is boeke wat jou leer van tuinmaak, groentesade, ens. Laat waai! Kyk na Dewald Hoffmann se video hieroor by https://bit.ly/3iOkZ6S

 

  • Het jy al ooit gewonder wat die nommers binne die herwinningsteken op plastiekprodukte beteken? Marizanne Pfeil-Wessels van Hoop Geloofsgemeenskap gesels oor die verskillende tipes plastiek wat herwin kan word. Sy beskryf nie net al sewe tipes plastiek wat in produkte gebruik word nie, maar vertel ook watter nuwe produkte geskep word uit die herwinningsproses: https://bit.ly/2IImFRw.

 

  • Dalk was jy van mening dat mens alles wat van plastiek, papier of tin gemaak is, kan herwin, maar dis nie waar nie. Dewald Hoffmann van ons Groen Span gee eko-wenke oor produkte wat nie herwinbaar is nie. Wees bedag op produkte wat nie bio-afbreekbaar is nie, wat besmet is met kos of olierigheid, komponente wat te ingewikkeld is om van mekaar te skei, soos elektroniese kabels (e-waste is ‘n opsie van herwinning hiervan), spuitkannetjies, batterye, spieëls, ens. Hy vertel meer hiervan op die video: https://youtu.be/j1PLep-v3TI. Jy kan meer ook oor die onderwerp lees by https://bit.ly/2TU7Cqh.

 

  • Dewald Hoffmann vertel meer oor die lekker #Together4Creation-projek wat mense aanmoedig om mooi kuns te maak van dinge wat jy normaalweg sou weggooi. Hy wys hoe maklik dit byvoorbeeld is om ‘n mooi potplanthouer uit herwonne plastiek te maak. Plaas #Together4Creation en #season4creation daarby. Dis ook deel van ‘n kompetisie – pos jou kunswerk op sosiale media en wen lekker pryse – #repurpose! Vind meer uit: https://bit.ly/3mqNTeR

 

  • Dewald Hoffmann van Gordensbaai deel hierdie week opwindende nuus oor die jaarlikse Seisoen van die Skepping wat op 1 September begin. Die Groen Span deel graag ‘n aanvullende liturgiese hulpbron vir preke in hierdie tyd, sowel as nuus oor die ekumeniese Together4Creation-projek en die Hoop en Versoening Trust se Groei-projek: https://youtu.be/L70i3A0PhwI

 

  • Janneke Marais, jeug- en maatskaplike werker van die NG Toringkerk in die Paarl, praat oor die probleem van elektroniese afval (e-afval) en wat gedoen kan word om dit te herwin: https://bit.ly/3krWdtT

 

  • Dewald Hoffmann van Gordonsbaai verduidelik waarom dit beter is om eerder glas as plastiek te gebruik. In hierdie maand van plastiekvrye Julie doen ons Groen Span ‘n beroep op jou om hierdie maklike nuwe gewoonte aan te kweek en jou glasbottels te hergebruik. Was dit skoon, plak nuwe etikette op en siedaar! Jy het ‘n pragtige nuwe waterbottel of konfytfles – ideaal vir ‘n mooi geskenk of jou eie huishoudelike gebruik: https://bit.ly/2DeJMk0

 

  • Janneke Marais, jeug- en maatskaplike werker van die NG Toringkerk in die Paarl, praat bietjie oor wegneem koffie en meer eko-vriendelike alternatiewe: https://bit.ly/3gp8lJ8.

 

  • Dewald Hoffmann van Gordonsbaai vertel waarom Julie vir sommige mense sinoniem is met die ‘Plastic Free July’-veldtog (https://www.plasticfreejuly.org). Dit is deel van ‘n groter beweging van mense wat ‘n alternatiewe leefstyl van minder verbruik begin aanneem. Sommige bly egter skepties oor die impak wat ons aksies as indiwidue werklik kan hê op die omgewingskrisis: https://bit.ly/30LanOQ

 

  • Marizanne Pfeil van ons Groen Span en predikant by Hoop Geloofsgemeenskap in Somerset-Wes, gesels hierdie week oor hoe om jou eie groente te kweek. Jy het nie ‘n groot tuin daarvoor nodig nie; heelwat groente kan in ‘n gewone pot ook groei. Kyk na hoe dit gedoen kan word by https://bit.ly/31bR1TK.

 

  • Angelique Ghall, lid van ons Groen Span en predikant van die VGK Vanrhynsdorp, gesels hierdie week met ons oor hoe jy deur huishoudelike eko-vriendelike items in jou kombuis te gebruik, nie net geld spaar nie, maar ook ‘n bydrae lewer tot die ekologiese bewaring van jou omgewing:  https://bit.ly/2YduV1b

 

  • Dewald Hoffmann herinner ons daaraan dat hierdie Sondag die Biddag vir Ekologie is – ons nooi alle gemeentes uit om hierdie Sondag saam te bid vir die omgewing en die aarde. In hierdie video gee hy vyf stappe as riglyne: https://bit.ly/2N6MwkS

 

  • Ons Groen Span se Samantha Chamberlain van die NG Gemeente Suider-Strand gesels oor goeie alternatiewe vir plastiekstrooitjies en -eetgerei. Sy praat ook oor die nut van ’n eko-vriendelike sakkie wat jy altyd byderhand kan hou en travel mugs. Kry jouself solank gereed vir as die grendels opgelig word en jy weer die Sederberge kan invaar of langs die see kan gaan kamp. https://bit.ly/2N7NsWf

 

  • Marizanne Pfeil, predikant by Hoop Geloofsgemeenskap in Somerset-Wes, gesels oor materiaaloortreksels ipv kleefplastiek oor ‘n bakkie; dis ‘n wenner! Jy spaar plastiek en kan die oortreksels net in die was gooi. Bio-degraderende plastiek is ook ‘n opsie vir die uitsondering. https://bit.ly/2N9fZL7

 

  • Dewald Hoffmann probeer inkopies doen sonder om plastieksakkies te gebruik – nogal ‘n uitdaging! https://bit.ly/3crUMXI

 

  • Janneke Marais, jeug- en maatskaplike werker van die NG Toringkerk in die Paarl, vertel hoe maklik dit is om met plastiekdoppies ‘n rolstoel vir iemand te waarborg. https://bit.ly/3fBfiGO